有一匀，北风同热头喺果度拗边个嘅本事大。
拗嚟拗去就係分唔出高低。
呢阵时条路度嚟咗个行路嘅人，佢着住件厚大褛。
佢哋两个就讲定咗，边个能够使得呢个行路嘅人除低佢件厚大褛，就算边个嘅本事大。
北风就出力噉刮起上嚟嘞，不过，佢越係刮得犀利，果个行路嘅人将件褛揽到越实。
后尾北风冇计嘞，惟有就算数嘞。
过咗一阵，热头出嚟嘞。
佢火烚烚噉一晒，果个行路嘅人连随就将果件厚大褛除落嚟嘞。
呢下北风惟有承认，佢哋两个中间仲係热头嘅本事大。